Un tıelgen jyljymaly quramdar 3257 shaqyrymdy 120 saǵatta júrip ótedi. Atalmysh baǵdar «QTJ-Júk tasymaly» AQ-ynyń jyljymaly quramdy tıimdi paıdalaný jobasy boıynsha júzege asyryldy. Júk poıyzdarynyń qozǵalysy belgilengen kestemen balamaly jolaýshylar qozǵalysynyń baǵdarymen júrgizildi.
Osy baǵdar boıynsha bekitilgen kestede poıyzdyń shyǵýy men mejeli jerge jetýi aralyǵyndaǵy barlyq uıymdastyrý jáne tehnologııalyq úderister kórsetilgen. Endigi jerde júk jóneltýshiler jyljymaly shatll quramnyń jiberilgen kezin bilip, avtomattandyrylǵan qujattardy resimdeý men kelisimdi jáne kommersııalyq jumystaryn avtomatty basqarý júıesimen qadaǵalaı alady.
«Jobany tabysty júzege asyrý basqa kólik túrlerimen temirjoldyń básekege qabylettiligin kótere túsedi»,-deıdi «QTJ-Júk tasymaly» AQ Paıdalaný jónindegi atqarýshy dırektory Ádilet Aıtbek.
Onyń aıtýynsha, «bul qadam júkti belgili naqty baǵdarǵa jiberý arqyly vagon aınalymy merzimin qysqartyp, júktiń saqtalýyn qamtamasyz etedi». Onyń syrtynda baǵdarda óndiristik emes, lokomotıv kútip qalý sekildi toqtalý bolmaıdy. Joba aıasynda júk poıyzy Esil-Saryaǵash- Esil –Shymkent baǵdaryna Arqalyq-Esil- Qushmuryn telimderimen jiberedi. Esil-Saryaǵash 2044 shaqyrymdy 57 saǵatta júrip ótse, Esil-Shymkent baǵdaryndaǵy poıyz 1834 shaqyrymdy 53 saǵatta júrip ótti.
«Baǵdarlardy jergilikti astyq treıderleri jáne un kásiporyndary joǵary baǵalady. Tehnologııa júk jóneltýshilerge tasymaldaýdy uıymdastyrý arqyly ekonomıkalyq tabystarǵa jetkizedi»,-deıdi Ádilet Aıtbek.
|
Marshrýt |
Shyǵatyn kúni |
Shyǵý ýaqyty |
Jol júrý merzimi |
Baǵdar jyldamdyǵy |
|
Qostanaı-Galaba |
4.11.17j. |
14-00 saǵ |
120 saǵ |
651 km/sýt |
|
Qostanaı-Galaba |
5.11.17j. |
13-40 saǵ |
120 saǵ |
651 km/sýt |
|
Qostanaı-Galaba |
7.11.17j |
14-00 saǵ |
120 saǵ |
651 km/sýt |
|
Esil-Saryaǵash |
4.11.17j. |
17-30 saǵ |
57 saǵ |
820 km/sýt |
|
Esıl-Shymkent |
4.11.17j. |
20-30 saǵ |
53 saǵ |
830 km/sýt |
|
|
|
|
|
|
Bıylǵy qarashada Qostanaı óńirinde 5607 vagonǵa astyq, 2181 vagonǵa un tıeýge aldyn ala tapsyrys berilgen. Oblystyq ákimdikte astyq pen un tasymaldaýǵa qatysty másele týyndasa, jedel sheshýge arnalǵan shtab qyzmet etedi. Shtab quramynda memlekettik kiris, fıtosanıtarlyq baqylaý, elevatorlar men júk jóneltýshiler, barlyq tasymaldaýǵa qatysýshy temirjol salasynyń ókilderi tartylǵan.
